Дзурынц форумы архайджытæ

форум 7

Рагон нæртон бæстæ у Ирыстон.

Нарт, царциатæ, даредзантæ скифтæ, сæрмæттæ, алантæ

Ирон фарн æмæ æгъдау байтыдтой Дунейы алы кæрæтты.

Уыдысты рухстауæг, кувæг адæм,

Æмбисонды зæрингуырдтæ!!!

Æнæбын уыд сæ фарны хæзнадон,

Æгæрон уыд сæ зонындзинæдты суадон.

Бирæминазон тохы мидæг

Ирæтта нæ фесæфтой сæ ахсджиагдæр хæзна –

Иры табуйаг хæхбæстæ!!!

Иры фарн æмæ æгъдау!!!

Ирыстонæй фылдæр кувæндæттæ, табуйаг бынæттæ

Зæххы къориы никуы ис!

Нæ Иры кад у хæхтæй бæрзонддæр!

Ирон æгъдау, æфсарм, намыс,

Уæздандзинад æмæ лæгдзинадæн æмбал никуы ис!

Ирон адамы пехумпартæ — Зороастр, Будда,

Один, Чырысти.

Ахуыр кодтой бирæ адæмты

Хуыцауæй лæвæрд царды ирон æгъдауыл.

Уыцы æгъдау абоны онг цæры

Иры табуйаг хæхбæсты!!!

Ирон адæм

Æмбал кæмæн нæй зæххыл,

Уыцы куывддон бынат — Ирыстон…

Куыд ис ахæм фыдыбæстæ ныууадзын???

Цæуыл æй ис а-зæххыл баивын?

Куыд ис ахæм хæзнатæн аргъ ма скæнын?

Куыд хъуамæ ацæуа ирон лæг кæдæмдæр фарнагур?

Куыд хъуамæ баива ирон культурæйы сыгъзæрин æвæрæнтæ Кæйдæр фынджы фæлхæрдтыл?

Куыд хъуамæ райса æмбисонды ирон æгъдауы бæсты-

Æлгъыст адæмты æнæгъдаудзинад?

Куыд хъуамæ равзара ирон уæздан чызджы бæсты

Æнæуаг, рог сылгоймаджы?

Куыд хъуамæ ауæй кæна йæ уд мулк æмæ æхцайыл?

Куыд хъуамæ аппара йæ цæсгом ирон лæг!

Нæ табуйаг фыдыбæстæ — Ирыстонæн

Зæрдиагæй лæггад кæнын

Нымайут уæ тæккæ стырдæр амондыл!

Нæ хотæ æмæ æфсымæртæ!

Дзурут иронау, ахуыр кæнут фыдæлты

æгъдæуттæ, кувут Хуыцау æмæ

Йе сконд зæдтæм!

Иры фарныл фарн æфтаут!

Нæ табуйаг фыдыбæстæ хъахъхъæнут!

 

ТУАТЫ Алина

Спецвыпуск «Национальный форум Алания», 18 мая 2018 г.

Join the discussion

Ваш e-mail не будет опубликован. Обязательные поля помечены *